Suns dal mont sul confin che nol è plui

Daspò dal festival “Specchi di confine/Zrcala meje”, il teritori di Gurize e Gnove Gurize al celebre ancjemò une volte la union fra lis dôs citâts di frontiere cu la seste edizion dal festival “Musiche dal mondo/Glasbe Sveta”, che al puartarà intal cjistiel di Kromberk di là dal confin che nol è plui, dongje Gnove Gurize, grancj nons de musiche internazionâl. Il prin apontament martars ai 30 al è chel cun Dhafer Youssef, cjantant, compositôr e virtuôs dal liût mediorientâl, in sene cun Eivind Aarset, un dai ghitariscj jazz plui innomenâts de Norvegje. Il prin di Avost al rive il ghitarist Bombino, la  stele dal blues dal Sahara, e ai 3 Richard Galliano, la stele de armoniche e dal tango. (A.I.) – 29.07.2024