Il tercet plui innomenât tal mont ancjemò a Palme

Il tercet plui innomenât tal mont al celebre cuindis agns di cariere sui palcs dal Istât. Miercus ai 31, Il Volo al sarà protagonist in place a Palme cul spetacul “Tutti per uno, Capolavoro” (Ducj par un, opare mestre): un altri grant apontament pe citât che e je Patrimoni de Umanitât de Unesco dopo il sucès di Elio e Le Storie Tese, Umberto Tozzi, Ricchi e Poveri. Piero Barone, Ignazio Boschetto e Gianluca Ginoble a àn sielt pe cuarte volte dal 2017 la citât pai propris zîrs nazionâi e internazionâi (al jere sucedût ancje intal 2019 e 2022). I doi tenôrs e un bariton a puartaran sul palc i gnûfs tocs dal prin disc di inedits “Ad Astra”, jessût cualchi mês indaûr, e i sucès plui grancj de tradizion musicâl taliane che a son intal lôr repertori. (A.I.) – 30.07.2024