La musiche pal mont li dal lât di Cjavaç

Il percussionist UT Gandhi, nassût a Osôf cul non di Umberto Trombetta, nol à dibisugne di presentazions: za baterist di formazions storichis talianis (Rava Electric Five su dutis) e di liendis tant che Dino Saluzzi, al à al atîf passe 150 albums fats pes cjasis discografichis jazz plui impuartantis. Domenie ai 4, inte suaze de rassegne itinerante “Estensioni”, circul difondût di musiche jazz, al presentarà in vie ecezionâl aes 11 di matine il so progjet solist “Music for the World”, musiche pal mont, li dal Ecomuseu sul lât di Cjavaç. Un spetacul fat di ricuarts instreçâts a sugjestions musicâls dilunc di un cjamin che al met dongje 40 agns di vite di artist ator pal mont (A.I.) – 03.08.2024