Trê oms blocâts dai carabinîrs pe rapine te sale slot a Remanzâs

A son trê lis personis blocadis dai carabinîrs di Trevîs parcè che suspietadis di vê fate la rapine inte sale Slot di Remanzâs vie pe gnot tra sabide ai 27 e domenie ai 28 di Lui, oltri che di un fat simil a Silea, tal Trevisan.

I trê oms si jerin cuvierts la muse  e a vevin doprât imprescj di cantîr e agricui intant che a menaçavin i clients e i gjestôrs dai locâi par fâsi dâ i bêçs, par dopo scjampâ vie dentri di une auto di colôr scûr.

Plui o mancul 2.500 euros il botin des dôs rapinis. (a.d.g.) – 05.08.2024