Om si è sintût mâl e al è muart a pas Pramuel

Flavio Pesamosca, 70 agns, al è muart îr sore sere intant che al stave fasint fotografiis dongje dal pas di Pramuel.

L’om resident a Pontebe, intant che al cjaminave dilunc dal troi suntune rive ripide par tornâ indaûr, al è colât a tiere denant dal zovin che al jere cun lui e che al à clamât daurman i socors.

Sul puest a son rivâts i volontaris dal Socors alpin di Mueç, la Vuardie di finance e l’elicotar.  Pal om nol jere plui nuie ce fâ. L’intervent, tacât tor des 8.30 sore sere, al è finît ae une di gnot. (a.d.g.) – 06.08.2024