Doi câs di fiere dal West Nile a Muçane

A son stâts cjatâts doi câs di fiere West Nile a Muçane e par cheste sere il sindic Genziana Buffon e à decidût di fâ disinfestâ il paîs. Si tacarà di vie Roma e vie San Giorgio aes 9.30, indulà che si cjatin lis cjasis des personis che a àn cjapade la malatie e si larà indenant par un rai di 200 metris.

Inte ordenance si domande ai citadins di tignî sierâts i barcons par trê oris e di permeti di jentrâ intai zardins e intai curtii al personâl che al fasarà il lavôr. Tra lis precauzions si racomande di tignî in cjase i animâi domestics e di no cjapâ su’ verdure e pomis dai orts o ben taponâju cun telons. (a.d.g.) – 07.08.2024