La mostre su Kennedy a Glemone: a tornin i cines

Intant che la mostre “Allo specchio dell’era Kennedy” (Al spieli de ere Kennedy), inmaneade dal Comun cu la Cineteche dal Friûl, e va indevant tal Cjistiel di Glemone fint a domenie ai 29 di Setembar, e torne a tacâ la rassegne cinematografiche paralele de Cineteche, curade tant che la mostre di Sergio M. Grmek Germani. Il prin dai ultins trê apontaments speciâi, miercus ai 21 dentri dal program dal “Cine sot des stelis” li dal Parc di vie Dante, al presente une des massimis oparis mestris di John Ford: “L’uomo che uccise Liberty Valance”, cun John Wayne e James Stewart, jessût intal an centrâl de presidence di Kennedy, il 1962. Il periodi al coincît cuntun dai moments plui alts e inovatîfs inte opare dal cineast american, di divignince irlandese compagn di Kennedy. (A.I.) – 19.08.2024