A van indenant i lavôrs par taiâ lis cisis intal Borc de Stazion dilunc vie Leopardi a Udin. Daspò al tocjarà aes plantis di vie Dante. Di fat, la eliminazion dal vert public in vore al finarà il lavôr za tacât intal 2020 de Zonte Fontanini in vie Roma.
La decision di fiscâ il vert e à creât cualchi pinsîr e discussion tra chei che a vivin e a lavorin intal cuartîr, ma par cumò la oposizion no à dit nuie cuintri dal tai dal vert. Invezit a protestâ pe ruvine dal vert e je un conseîr di maiorance, Antonella Eloisa Gatta, presidente de associazion Costruire futuro, che e à invidât la Zonte a fermâ i lavôrs e a fâ un pas indaûr.
“Za tal 2020 – e à dit Gatta – si jerin declarâts adun cu la oposizion al fiscament dal vert. Vuê come in chê volte o sin contraris a chescj lavôrs”.
E plui di cualchidun in citât si domande ce che al sarès sucedût se a fiscâ dut il vert e fos stade une zonte vuidade di Fontanini e no chê di De Toni. (a.d.g.) – 23.08.2024
