La pianiste furlane di “scuele russe” in Basiliche a Grau

Al è dedicât a cuatri grandis compositoris il conciert de pianiste Martina Frezzotti, in program martars ai 27 inte Basiliche di Sante Eufemie a Grau, pal cartelon dai Concierts in Basiliche 2024 promovût de Fondazion pe Conservazion de Basiliche di Aquilee cu la Corâl polifoniche di Rude, pe direzion artistiche di Pierpaolo Gratton. Arleve dal mestri di piano rus Lazar Berman e de innomenade pianiste gjeorgjiane Elisso Virsaladze al Conservatori Tchaikovsky di Mosche (dulà che e jere jentrade a vincj agns e e je stade la prime taliane a rivâ ae lauree cul massim dai vôts), la pianiste udinese e à sunât ator par dut il mont, ancje di soliste inte Carnegie Hall di New York. Il conciert di Grau al sarà segnât di composizions di autoris famosis dal decim novesim secul: Fanny Hensel-Mendelssohn, Clara Wieck, Cécile Chaminade e Amy Beach. (A.I.) – 26.08.2024