La place de Transalpina e je une altre volte al sigûr

La bombe di avion cjatade tal teren dongje de place Transalpina a Nova Gorica e je stade metude in sigurece e puartade vie. La operazion e je tacade îr pôc dopo des 10 cul sun de sirene che e dave il vie aes operazions di bonifiche.

L’ordegn al è stât spostât tant di podê lavorâ par disarmâlu. La matine e jere tacade cu la evacuazion de int, cun plui o mancul 4.500 personis slontanadis di ca e di là dal confin.

Centenârs i volontaris che in Italie e in Slovenie a àn lavorât par judâ lis fuarcis dal ordin e i doi Comuns di Gurize e di Nova Gorica. (a.d.g.) – 26.08.2024