Un laboratori par 150 musiciscj zovins

La musiche e i siums a tornin protagoniscj dal decim novesim campus “MusicaInsieme” inmaneât di Anbima F-Vj, la associazion nazionâl di bandis talianis musicâls autonomis, cun 150 musiciscj zovins che a vegnin di 35 bandis distribuidis intes cuatri provinciis dal Friûl-Vignesie Julie. Il Campus, che si fâs a Plans di Luce, al è cetant plui di un laboratori musicâl sempliç: e je une esperience di vite dulà che i partecipants, sot de vuide di docents professioniscj e di Marco Somadossi, a perfezionaran lis tecnichis di sun di insiemi, a esploraran gnûfs repertoris e a frontaran tocs musicâi di complessitât cressinte. Il pont culminant dal percors a son i concierts finâi: vinars ai 30 inte Baite de Piste Nere a Sapade, sabide ai 31 inte prestigjose suaze dal Cjamp Patriarca Elia a Grau. I ospits speciâi a saran doi soliscj di talent: Flavia Quass ae vôs e Federico Trufelli ae trombe. Il program dai concierts al previôt musichis origjinâls par orchestre di flâts e percussions, cun di plui rangjaments di tocs pop di artiscj talians. (A.I.) – 27.08.2024