Fumets par feminis che no àn mai vinçût il Nobel, ma…

“Donne da Nonrel” (Feminis di Nobel) al è il titul de gnove mostre al PAFF!, il Palaç dal fumet di Pordenon, de fumetiste, scritore, ilustradore e gjornaliste Cinzia Leone, che e scree al prin di Setembar. La esposizion e je un tribût a cuindis sienziadis, de antichitât al dì di vuê: feminis che, dut câs, il Nobel no lu àn vût, pûr vint dutis lis cjartis in regule par otignîlu. Matematichis, fisichis, chimichis, biolighis, atoris, di Rosalind Franklin a Hedy Lamarr, des Apollo Sisters a Eva Mameli, di Ipazia a Lise Meitner: dutis a àn sfidât i prejudizis de lôr epoche par acedi a un savê sientific risiervât in maniere esclusive ai oms. Il Premi Nobel al è stât istituît intal 1901 e, suntun totâl di 975 premiâts, lis feminis a son stadis fin cumò dome 66: a pene che il 4%. (A.I.) – 28.08.2024