31
L’Istât al è ancjemò impiât al Palmanova Village di Dael cul conciert acustic di Noemi, une des vôs plui preseadis dal panorame musicâl talian, che si esibirà sabide ai 31 aes 9 sot sere par un speciâl e intim live dome cun piano e vôs, a jentrade libare, inmaneât di FMedia events in colaborazion cun Zenit/Azalea, la aziende furlane specializade in grancj concierts. Cjantautore e vôs tra chês plui ricognossibilis dal panorame talian, Noemi e je buine di misurâsi cul pop, il soul, il R’ n’ B e il blues. Cun trê discs di aur e disevot discs di platin, in passe dîs agns di cariere e à interpretât tocs dai principâi autôrs e cjantautôrs talians e e je stade in dut siet voltis al Festival di Sanremo. (A.I.) – 28.08.2024
