In Cjargne la musiche si messede cu la art

La ultime fin de setemane di Avost dal festival “Carniarmonie” e propon un cicli di apontaments eterogjeni tra incuintris leteraris, musiche e spetacui multidissiplinârs. Doi i incuintris di vinars ai 30 di Avost a Prât: prime la leture “Soreposizions e diferencis: costelazions positivis intes comunitâts”, cun Lussia di Uanis e Bruno Mongiat, dopo inte glesie di San Cjançan, il cuintet di otons Bacchus al è protagonist dal conciert “Colôrs americans”. Sabide ai 31 inte glesie di S. Nicolau a Damâr il spetacul “Il genio e il divino” (Il gjeni e il divin), ispirât aes oparis scultoriis e pitorichis di Michelangeloe Raffaello, cul flautist Massimo Mercelli e la Orchestre filarmoniche Vittorio Calamani. A sierâ la fin de setemane di Carniarmonie, domenie al prin a Cjavaç, l’innomenât Trio Toscanini. (A.I.) – 29.08.2024