Tal cjistiel di Cergneu si torne indaûr intal timp

Un avigniment unic inmaneât dal Comun di Nimis in colaborazion cu la associazion culturâl Cernedum. Lunis ai 2 tal Cjistiel di Cergneu, une zornade vierte al public, dedicade ae valorizazion de culture e des tradizions furlanis traviers un program plen di ativitâts pensadis par dutis lis etâts. L’avigniment al ufrirà ai partecipants la pussibilitât di imerzisi intune atmosfere uniche, dulà che passât e presint si cjatin. A saran proponudis rievocazions storichis medievâls e dimostrazions di mistîrs furlans antîcs, spetacui teatrâi cu la Compagnia dei Riservati e musicâls cun Dj Tubet, lis contis di Angelo Floramo e altris, laboratoris e zûcs pai plui piçui curâts di Daria Miani: dut compagnât di bon mangjâ e bevi par valorizâ i savôrs locâi. (A.I.) – 01.09.2024