Vot palcs, tancj debuts nazionâi talians e primis regjonâls, grancj ospits e cetancj apontaments cuotidians che a àn svicinât doi monts: chel dal teatri e chel dal sport. Si è sierât cun sucès il “Tiere Teatro Festival”, la bienâl internazionâl di teatri antîc inmaneade di Anà-Thema Teatri tal Fuart di Osôf. “Un sucès di là di ce che noaltris si spietavin – al marche il diretôr artistic, Luca Ferri – che al conferme la validitât e la impuartance di un progjet che al ripuarte la lûs sui tesaurs antîcs dal teatri, rivisitantju traviers i voi de contemporaneitât. Un sucès di jessi cussì braurôs di dî graciis al public, ma cence dismenteâ il Comun di Osôf e la Regjon par vê crodût intun progjet cussì grant e impuartant”. (A.I.) – 02.09.2024
Foto di L. d’Agostino
