In pension Stefanel, un dai dirigjents scolastics plui preseâts in regjon

Sabide ai 31 di Avost e je stade la ultime zornade di lavôr par Stefano Stefanel, dirigjent scolastic pardabon preseât in Friûl.

Stefanel, di 45 agns al lavôr te scuele, al à vuidât par une vore di agns il liceu Marinelli di Udin e cetantis altris scuelis dal nestri teritori, tant di jessi considerât dai insegnants e dai siei coleghis un pont di riferiment pe energjie e pe passion che al à simpri metût tal fâ il so lavôr e ancje pe capacitât di fevelâ e savê scoltâ i siei students. (a.d.g.) – 02.09.2024