A Gardiscje lis “citâts invisibilis” a viodin de aghe

Daspò des primis zornadis fra Gurize e Gnove Gurize, la rassegne “In\Visible Cities”, lis citâts invisibilis, e rive a Gardiscje, dulà che miercus ai 4 si vierç cuntune programazion siore. Al centri, aes 7 sot sere inte cort interne dal Cjistiel, l’apontament cul cjantant Cristiano Godano (Marlene Kuntz) e cun Telmo Pievani, ricercjadôr e autôr di progjets teatrâi e musicâi a teme sientific, che a saran i protagoniscj dal “Cjant di aghe” (Canto d’acqua): un spetacul di leturis e musiche dulà che a frontaran la tematiche de aghe di un pont di viste artistic, leterari e sientific. Une riflession plene di pinsîrs, ma ancje di sperancis, parcè che al è propit inte aghe che o podarìn cjatâ soluzions pe difese dal nestri planet. (A.I.) – 03.09.2024