Sergio Luzzato al à vinçût il premi Friuli Storia

Une jurie di 403 letôrs, la plui grande in Italie, e à sielt il vincidôr de decime prime edizion dal premi Friuli Storia: al è Sergio Luzzato cun “Dolore e furore. Una storia delle Brigate rosse”, jessût par Einaudi. Il saç al à vût il 52% dai vôts, tant di plui dai altris doi finaliscj, selezionâts de jurie sientifiche tacant di 110 oparis in gare: Fabio Todero cun “Terra irredenta, terra incognita. L’ora delle armi al confine orientale d’Italia 1914-1918” e Filippo Triola con “L’orologio del potere. Stato e misura del tempo nell’Italia contemporanea (1749-1922)”. La consegne dal premi, inmaneât cul jutori de Regjon e de Fondazione Friuli, e je previodude pai 26 di Otubar a Udin. Il president de associazion Friuli Storia, Ernesto Galli della Loggia, al marche il fat che “ator dal premi e je cressude vie pai agns une comunitât di letôrs simpri plui cults e competents”. A.I.-03.09.2024