Blocât dai carabinîrs a Triest un zovin cun plui di doi etos di droghe

Un zovin di 20 agns al è stât blocât a Triest dai carabinîrs che i àn cjatât intor e a cjase passe doi etos di ketamine, Xanax e benzodiazepines.

L’om al jere stât viodût di une patulie tai dîs passâts intant che al barufave cuntun altri zovin in vie dell’Istria e cuant che i carabinîrs ju àn fermâts par controi a àn cjatât un sachetut plen di robe che si è scuviert dome dopo che e jere ketamine.

Te cjase dal zovin, dilunc di une percuisizion, e je stade cjatade ancjemò droghe e medisinis cence la prescrizion dal miedi. Il zovin al è ai arescj domiciliârs. (a.d.g.) – 04.09.2024