La Basse, epicentri di culture

Par vot mês, il teatri al devente il centri, anzit l’epicentri di une scosse che e môf lis personis te Basse furlane: 17 events, cun 12 spetacui e 8 ‘primis’ in regjon, cun di plui i laboratoris. Il progjet “Epicentrico”, ideât e inmaneât de compagnie BRAT, al tache sabide ai 7 di Setembar in place a S. Zorç, par rivâ po dopo ancje a Porpêt, Tor di Zuin e Gonârs, cun spetacui a teatri e pes stradis, sedi par dute la famee che pai grancj e ancje pai vielis, ancje se il fin de rassegne al è chel di parâ jù lis frontieris di une gjenerazion a di chê altre, chês culturâls e fisichis, creant un dialic e fasint cognossi il teatri a ducj, cence distinzions di etât. I diretôrs artistics, Agata Garbuio e Claudio Colombo, a àn tacât a tirâ dentri lis comunitâts e ancje lis scuelis za tal mês di Avrîl. (A.I.) – 05.09.2024