Vecchioni, in place un artist preseât di ducj

Cjantautôr, scritôr, poete, za professôr, artist preseât dal public di ogni etât, bon di vinci sedi Sanremo che il premi Tenco e di vendi passe vot milions di discs in cariere, Roberto Vecchioni al continue il so viaç musicâl sui palcs talians cul tour “Tra il silenzio e il tuono” (Tra il cidin e il ton), che al fasarà tape ancje in Friûl-Vignesie Julie: sabide ai 7 a S. Vît dal Tiliment in Place dal Popul intal calendari de rassegne “Stelis di Istât”. La tournée e à il stes titul dal so ultin libri, jessût par Einaudi. (A.I.) – 06.09.2024