95
La Vuardie di finance di Trevîs e à denunziât une interprete russe che e vîf in provincie di Pordenon e che e lavore par un imprenditôr forest atîf tal Trevisan. La femine e je acusade di vê cjapât su’, in mût ilegâl, 60 mil euros, suntun cont corint intestât al datôr di lavôr dopo che e veve rivât a scuvierzi lis credenziâls par jentrâ intal sisteme di home banking dal cont.
La femine e je stade denunziade ae procure de Republiche di Pordenon, intant che i bêçs puartâts vie a son stâts metûts sot secuestri su ordin dal judiç pes indagjins preliminârs. (a.d.g.) – 09.09.2024
