21
La atlete furlane Maria Navarria, medaie di aur inte spade aes olimpiadis di Parîs, un timp studentesse dal cors di lauree in Siencis motoriis de Universitât dal Friûl, e à cjatât vuê il retôr dal Ateneu, Roberto Pinton, e il pro retôr Andrea Cefarelli.
Ae campionesse dal Centri sportîf dal Esercit, il retôr al à fat i compliments di dute la comunitât universitarie pe vitorie aes Olimpiadis e pe sô cariere straordenarie.
“Mara Navarria – al à dit Pinton – cul so impegn e lis sôs vitoriis, e à dât lustri al nestri Paîs e al nestri teritori. E je un esempli pes gnovis gjenerazions e no dome. Lis sôs capacitâts adun cu la sô fuarce di volontât, la perseverance e il spirt di sacrifici a son un esempli pai nestris students”. (a.d.g.) – 09.09.2024
