Al è chest il probleme plui fuart di meti a puest pe preson di Udin. La preson e je plene di int tant che a son scuasit il dopli i presonîrs tignûts dentri: a pet dai 95 puescj previodûts pe struture, a son cumò 177 chei che si cjatin in vie Spalato. Di lôr, 105 a son forescj, soredut nordafricans e pakistans, intant che il 46% a son in spiete de sentence di condane definitive.
A son 48 i drogâts. Chescj a son i numars saltâts fûr dilunc de visite ae preson di vie Spalato a Udin fate vuê di matine dai conseîrs regjonâi di Forza Italia Andrea Cabibbo e Roberto Novelli, adun cul cjâf grup di Udin Giovanni Barillari, acompagnâts de diretore Tiziana Paolini, inte suaze de iniziative inmaneade a nivel talian dal partît e coordenade in Friûl-Vignesie Julie dal referent pe Justizie e senatôr avocat Franco Dal Mas.
“A diference de situazion di Triest, une vore grivie, la preson di Udin – al à scrit intune note Cabibbo – metude a puest tal 2003, e permet cundizions di vite plui dignitosis pai presonîrs”. (a.d.g.) – 09.09.2024
