21
Al è muart îr sore sere intal repart di Terapie intensive dal ospedâl di Udin indulà che al jere stât puartât intai dîs passâts Lorenzo Surian, il fantat di undis agns che ae fin di Avost al veve cjapât la encefalite erpetiche, infezion pardabon rare leade al virus herpes simplex.
Îr aes 8 sot sere la comission mediche si è cjatade e, finît il periodi di osservazion di 12 oris, e à declarât la muart cerebrâl dal puar zovin.
Lorenzo, che al viveve a Prate, al jere rivât ae fin di Avost tal ospedâl di Pordenon in cundizions griviis. Nol pative di malatiis particolârs, ma i esams a vevin cjatât la infezion pardabon rare che e cjape une persone su 250-500 mil ogni an. (a.d.g.) – 10.09.2024
