Gurize citât de creativitât pal cine

Rivâts a Gurize trê setemanis indaûr, il costumist premi David di Donatello 2024, Sergio Ballo, l’atôr e regjist franc-todesc Christopher Buchholz e il regjist Lorenzo Pallotta a àn finît la seconde session di “Via della Creativita”: il percors di residencis artistichis che e fâs part di “BorGO Cinema”, il progjet leât al cine e al audiovisîf, promovût di cuatri ecelencis cinematografichis di Gurize. Trê personalitâts de art cinematografiche tant diviersis tra di lôr si son cjatadis a lavorâ adun: Ballo si è concentrât su la scriture di une senegjature ispirade ae figure dibatude di Aldo Finzi. Pallotta al à fat un curtmetraç sperimentâl doprant in maniere esclusive materiâl di archivi amatoriâl des citâts di Gurize, Triest e Udin. (A.I.) – 10.09.2024