La place dedicade a Garibaldi e deventarà zone pedonâl: dai 23 di Setembar a saran metûts ju’ gnûfs furniments urbans e a saran tignûts dome i puescj di parc denant de farmacie, chei pai disabii e par scjamâ e cjamâ.
La scuele Manzoni e podarà doprâ il spazi che al saltarà fûr par fâ ativitâts a viert. Intant a saran fats plui o mancul vincj puescj pe soste veloce par permeti ai gjenitôrs dai arlêfs di podê compagnâ e tirâ su’ i fîs in sigurece e dongje de scuele. Pe Aministrazion comunâl la circolazion des autos al è un pericul pai students e par chest, finîts i lavôrs pai gnûfs finiments urbans, a tacaran i lavôrs di pedonalizazion.
La sielte de Aministrazion dut câs al somee che e puedi scjadenâ fuartis polemichis tant che subite la Associazione consumatori attivi e à fevelât di sielte fate cence la condivision des categoriis. (a.d.g.) – 10.09.2024
