Circ acrobatic di Barcelone a Pordenon

Spazi al circ e ae danze acrobatiche a Pordenon, joibe ai 12, par “Une tiere in sene”, il festival inmaneât de associazion Inscena in colaborazion cu la Compagnia di Arti&Mestieri. Tal Auditorium Concuardie a rivin, drets di Barcelone, Boris Ribas e Olga Lladó, in art Bool, che a van in sene cun “Spiralis”, un spetacul là che la manipolazion di ogjets e la sculture si fondin intune sinfonie visive e sensoriâl. La compagnie Bool e invide i spetatôrs a imerzisi intun univiers là che doi cuarps a dan vite a une sculture grandonone di fier: un viaç traviers lis spirâls dal timp. (A.I.) – 11.09.2024

Foto di A. Cervera Rodriguez