48
Screade vuê la gnove rotatorie a Manzan, dilunc de strade regjonâl 56, cuntune cerimonie indulà che e jerin presints l’assessôr regjonâl aes Infrastruturis Cristina Amirante, il president di FvgStrade Simone Bortolotti, il sindic di Manzan Piero Furlani e cetancj sindics de zone.
La gnove opare e je stade fate cun bêçs de Regjon par plui di un milion di euros e e permetarà di jentrâ in sigurece inte zone industriâl, fasint deventâ plui fluit il trafic. De rotatorie une strade e va bande dal ex stabiliment Sabot e e permetarà di colegâ tal futûr il centri di scambi tra ferovie e camion. (a.d.g.) – 11.09.2024
