Manià, un paîs in fieste cu la sô tradizion

Gnove edizion par “Curtìs in fieste” (Coltello in festa), la rassegne internazionâl dedicade al mont des lamis, pe decime volte a Manià ai 14 e ai 15 di Setembar. Protagoniscj: i produtôrs dal puest, che di une gjenerazion a di chê altre a àn puartât la art dai faris dal teritori in dut il mont. Cu la partecipazion di un public di passionâts che a vegnin di dute Italie e dal forest, “Coltello in festa” al celebre la antighe tradizion di Manià, nassude za tal 1453 e rivade dapardut. In place, une grande mostre marcjât cun 23 produtôrs, une sezion dedicade aes lamis di autôr cun 19 espositôrs, tocs batûts fûr e uçâts in direte, ma ancje cualchi ospit speciâl e visitis vuidadis tal Museu de farie e dai curtìs. (A.I.) – 12.09.2024