Un mestri internazionâl di ghitare a Darte

Conciert di sierade de otave edizion dal festival “Friuli concertante”, promovût dai Amîs de Musiche di Udin, ae scuvierte dal Friûl storic traviers concierts, incuintris e visitis vuidadis. La rassegne di cuaranteun concierts realizâts di Jugn, de lagune fint ae Cjargne, e propon sabide ai 14 tal Palaç Savoia di Darte il ghitarist e compositôr Christian Lavernier. L’ecletic mestri, che si esibìs intai festival plui impuartants di dut il mont e al è preseât massime pes sôs interpretazions suntun râr strument a undis cuardis, unic tal mont, al sarà protagonist dal conciert dal titul “Shades”, Ombris, cuntune monografie apassionante di sôs composizions. Un viaç sensoriâl in omaç a grandis personalitâts de art, tra leterature, art figurative e musiche.  (A.I.) – 13.09.2024