Testemonis di un teritori di 10 agns

Dîs agns di musiche e cjançons che a àn fat deventâ i Freevoices une presince costante sul nestri teritori. La Vuere grande, la emigrazion, il lavôr, lis feminis, il confin a son dome une part dai tancj temis frontâts e contâts in cetancj recital. Par memoreâ chescj agns plens di spetacui, i Freevoices a presentaran sabide ai 14 aes 8.30 di sere e domenie ai 15 aes 11 di matine e aes 6 dopomisdì tal Kulturni Dom di Gurize un conciert dal titul “2014/2024 Testemonis di un teritori”. Tante musiche par contâ il viaç di chest grup di zovins che, partîts dai bancs dal liceu, a àn savût fâ une esperience che e je uniche intal panorame corâl talian, direts di Manuela Marussi, cui rangjaments e l’acompagnament al piano di Gianni Dal Zotto. Ospite de serade: la cjantante slovene Tatjana Mihelj. (A.I.) – 13.09.2024