Il Friûl-Vignesie Julie come la Baviere

“I dâts economics dal secont trimestri sul lavôr e su lis esportazions de nestre regjon – al à dit Massimiliano Fedriga, president dal Friûl-Vignesie Julie -, a segnin un record storic e a mostrin une situazion miôr a pet di chel che si spietavisi. La ocupazion e je lade su’ al 70,2%, il massim storic. Record storic ancje pal tas di disocupazion, cumò al 3,4%. Chescj valôrs a son dal dut ecuivalents a chei de Baviere e une vore dongje a chei dal Nord Est talian. A chest si zonte la esportazion tal forest che e va su’ tal prin semestri dal 3,7% a pet dal stes periodi dal an passât. Al è un miorament che nus sburte a lavorâ ancjemò di plui pai citadins de nestre regjon”. (a.d.g.) – 13.09.2024