La prime volte di “pordenonelegge” a Udin

A son passâts vincj agns, ma chê storie no mole di jessi atuâl e di fevelâ al nestri timp: «La Armenie e reste in pericul, dopo de invasion dal Nagorno Karabakh di bande dal Azerbaizan. L’obietîf al è chel di invadi dute la Armenie, un toc ae volte». La scritore Antonia Arslan e reste osservadore dai acjadiments leâts ae “sô” Armenie, e il so romanç di cult, “La masseria delle allodole”, si conferme un libri “necessari” ancje doi decenis dopo la prime publicazion tal 2004. Propit Antonia Arslan e sarà protagoniste de “prime volte” di pordenonelegge a Udin,  martars ai 17 aes 6 sot sere inte sede de Fondazion Friuli, cun jê e dialogarà il diretôr artistic de rassegne, Gian Mario Villalta. (A.I.) – 16.09.2024