A S. Vît une rassegne di cualitât

“E torne a S. Vît dal Tiliment la rassegne musicâl inmaneade de Academie di arcs “Arrigoni”. A saran siet di Setembar e Dicembar i concierts di “San Vito Musica”, che a confermin la carateristiche de rassegne: un percors di ricercje intai repertoris pôc frecuentâts e di grande cualitât, tra curiositât e olse, par proponi adun inovazion stilistiche, une vision vierte des produzions musicâls storichis e un voli sul panorame dal Nûfcent e chel contemporani. La orchestre de Academie di arcs “Arrigoni” direte di Domenico Mason, un centri di alte formazion di musiche che e valorize i talents zovins, e vierç il program vinars ai 20 tal Auditorium Comunâl cuntune serade dedicade a “Salieri e il piano”: ospits il pianist Costantino Catena e il diretôr Giulio Arnofi. (A.I.) – 16.09.2024