Dopo un tour invernâl che al è lât cussì ben di jemplâ dutis lis 60 datis che a jerin in cartelon, la PFM Premiata Forneria Marconi, une des liendis de musiche taliane di passe cincuante agns, e je ancjemò une volte in zîr pe Italie cun plui di 30 concierts. Joibe ai 19 e sarà in sene in Friûl, in place S. Blâs a Listize, cuntune tape dal fortunât tour “La PFM e cjante DeAndrè”, par celebrâ il sodalizi fortunât cul grant cjantautôr gjenoan. I concierts a viodaran sul palc i components storics Franz Di Cioccio (vôs e batarie) e Patrick Djivas (bas), compagnâts di une formazion che e cjape dentri ancje Marco Sfogli (ghitare eletriche), Lucio fabbri (violin) e l’ospit speciâl Michele Ascolese (ghitare acustiche). (A.I.) – 17.09.2024
Foto di O. Truglio
