Blocâts de Polizie a Triest doi oms acusâts di secuestri di persone. I doi, di nazionalitât pakistane, a vevin pacât e sierât intun apartament trê zovins indians, domandant un riscat di 15 mil euros pe lôr liberazion.
A visâ la Polizie une siore indiane che e vîf in Lombardie, che e à clamât la Cuesture di Triest disint che i siei parincj a jerin stâts secuestrâts daspò jessi jentrâts in maniere ilegâl in Italie. I rapidôrs a vevin clamât la famee des vitimis in Indie par domandâ il riscat che al lave paiât dentri de matine dopo intune bancje tal forest.
In graciis des investigazions de Scuadre di pront intervent de Cuesture di Triest, i agjents a son rivâts a cjatâ il puest indulà che i zovins e jerin tignûts presonîrs e, dopo cualchi ore di osservazion, a son jentrâts tal apartament indulà che si cjatave ancje un dai secuestradôrs. (a.d.g.) – 17.09.2024
