51
Al è jessût joibe ai 19 di Setembar su dutis lis plateformis digjitâls “Starkregen”, il gnûf singul dal compositôr pordenonês Teho Teardo cul todesc Blixa Bargeld. La jessude di chest gnûf toc e anticipe la publicazion dal gnûf album di tocs inedits, previodude pai 25 di Otubar dal 2024, che si clamarà “Christian & Mauro” (il secont al è il vêr non di Teardo). A Novembar e Dicembar al tacarà ancje il tour, che al tocjarà diviersis citâts talianis. La date di joibe ai 19 di Setembar no je stade sielte a câs: al è il complean di Teho Teardo, ma ancje la Fieste di San Gennaro, il Patron di Napoli, un bon auguri, ancje pal lunc tour dai doi, che a àn scomençât a colaborâ za intal 2013. (A.I.) – 19.09.2024
Foto di T. Rabsch
