In spiete di scuvierzi i detais dal gnûf program de decime edizion di “Suns Europe”, il festival des arts in lenghe minorizade inmaneât de cooperative Informazione Friulana, editore di Radio Onde Furlane – cu la poie finanziarie de Regjon, de ARLeF, de Fondazion Friuli e dal Comun di Udin – al à scomençât za la prevendite in rêt dai biliets (10 euros) pal moment plui spietât: il concierton finâl, in program sabide ai 18 tal Teatri gnûf “Giovanni da Udine”. I biliets a podaran jessi cuistâts sul sît www.vivaticket.it e intes rivenditis autorizadis di Vivaticket e te bilietarie dal “Giovanni da Udine” di joibe ai 10 di Otubar. “Suns Europe” al è il festival european des arts performativis in lenghe minorizade e al à nassût intal 2009 in Friûl, lûc di incuintri e di scambi tra artiscj di grups linguistics minoritaris dal continent e une ocasion par dutis lis comunitâts europeanis di cjapâ cussience dai propris dirits linguistics. (A.I.) – 21.09.2024
Foto di L. Chiandoni
