A Brussel i artiscj furlans a spietin Celiberti

Screade cun grant sucès li dal Ufici di colegament de Regjon Friûl-Vignesie Julie a Brussel, la seconde tape dal progjet su la art de Regjon tal forest. A presentâ l’avigniment, che al viôt protagoniscj fint ai 31 di Otubar, cun dôs mostris personâls e plui di une cincuantine di oparis impuartantis, i pitôrs furlans Claudio Mario Feruglio e Toni Zanussi, il cjâf di gabinet de Presidence de Regjon F-Vj Sandra Sodini, il Consul Gjenerâl di Italie a Brussel Francesco Varriale e l’architet Marianna Accerboni, ideadore e curadore di dut il progjet. La prime tape e jere rapresentade de rassegne “La art triestine al feminin intal ‘900 di avanvuardie talian e european”. Daspò de mostre di Feruglio e Zanussi, fate in colaborazion cul ent Friuli nel Mondo, e sarà presentade la mostre personâl di Giorgio Celiberti, che al celebrarà il so nonantesim cuint complean inte suaze de esposizion. (A.I.) – 23.09.2024