La produzion bio e cres une vore ancje in Friûl-Vignesie Julie. Secont une analisi fate de Coldiretti sui dâts de Sinab, publicade inte ocasion de Zornade europeane sul biologjic, a son ativis in Italie 94 mil aziendis agriculis, plui di ducj a nivel comunitari, passe dôs voltis la Gjermanie e un tierç di plui de France. Inte nestre regjon a lavorin in dut 1.131 operadôrs biologjics (plui 0,5 par cent a pet dai 1.125 dal 2023, e plui 156 par cent a pet dai 441 dal 2014), dividûts tra produtôrs (730), preparadôrs (197), produtôrs/preparadôrs (194) o impuartadôrs (10).
Par ce che al rivuarde lis culturis bio, a son al prin puest il pascul magri (29%), prâts e altris pascui (19,2%), mangjaduris (16,4%), vîts (11,4%), altris culturis. (a.d.g.) – 23.09.2024
