64
Un citadin talian dal 1966 al è stât blocât de Polizie di Triest dopo che par dôs voltis al jere scjampât dai arescj domiciliârs decidûts de Procure par vê tormentât la sô ex compagne.
L’om, che al è stât puartât dentri te preson dal Coroneo di Triest, al veve tacât a tormentâ la puare femine tal Avost dal 2023 dopo che al jere stât lassât, jentrant adiriture inte abitazion di jê intant che e jere fûr cjase.
La siore e à cussì denunziât l’om che al continuave a corii daûr cence padin, ma cun dut che il tribunâl al à decidût pai arescj in cjase sô, l’om al è jessût dôs voltis, fin cuant che i agjents lu àn cjapât e puartât dentri. (a.d.g.) – 23.09.2024
