Apontament cuntune biele cjaminade a Glemone miercus ai 25 di Setembar, indulà che cu la vuide di un istrutôr laureât in Siencis motoriis, si podarà partecipâ a “10mila passi di Salute” dilunc dal troi “Percorso vita tra acque e castelli”. La partence e sarà aes 9 di matine, cul puest par cjatâsi tal parc dal palaç Scarpa, in vie Cavour, denant dal cartelon dal progjet “FVG IN MOVIMENTO 10mila passi di Salute”.
Chest progjet al è sostignût de Regjon Friûl-Vignesie Julie – Direzion centrâl Salût, fat di Federsanità Anci Fvg tal ambit dal Plan regjonâl de prevenzion – comunitâts ativis, in colaborazion cul Dipartiment di Siencis economichis e statistichis de Universitât dal Friûl e Promoturismo Fvg, intant che cheste cjaminade e je stade inmaneade in colaborazion cul Comun di Glemone, il Dipartiment di Prevenzion de Asufc, la associazion Asd “Sport&Fun” e altris associazions.
La iscrizion e je a gratis ma e je obligatorie, scrivint une e-mail ae direzion info@visitgemona.com. (a.d.g.) – 23.09.2024
