Trê dîs tra filosofie e yoga

Lis testemoneancis di viazadôrs e esploradôrs e i rapuarts de filosofie cun yoga e sostignibilitât a saran al centri de rassegne di incuintris “L’Universo della Conoscenza” (L’Univiers de cognossince), in program a Cividât dai 26 ai 28 di Setembar. La rassegne e je organizade dal Dipartiment di Lenghis e di Leteraturis de Universitât dal Friûl e de Societât “Luigi Pio Tessitori” cul supuart dal “Mittelfest” (te suaze dal “Mittelland”). I avigniments in program a vierzaran al public argoments tant che il pinsîr intuitîf, la filosofie interculturâl, il lengaç poetic, la filosofie dal yoga, la realtât virtuâl, il disvilup sostignibil. Si tache joibe ai 25 inte Glesie di S. Pieri e S. Blâs cul conciert “Musica Mystica” e si va indevant intai dîs che a vegnin cuntune schirie di incuintris e cunvignis, par sierâ sabide inte glesie di S. Francesc cuntun altri conciert, “Non nobis Domine”. (A.I.) – 25.09.2024