La sinfoniche regjonâl e cîr gnûfs musiciscj

La FVG Orchestra e continue a cressi e e cîr trê gnûfs musiciscj di tirâ dentri a timp indeterminât. A son vierts fint ai 4 di Novembar i bants di concors par deventâ prime trombe, prin fagot e violoncel di file de sinfoniche regjonâl: lis selezions a saran fatis inte tierce setemane di Novembar. La esigjence di ampliâ l’organic no je une novitât pe orchestre, che e veve za cjapât cuatri gnûfs musiciscj al principi dal 2024, daspò di candidaturis che aromai a rivin di dute Italie e ancje dal forest.  Tra i apontaments plui impuartants des setemanis che a vegnin, il conciert di scree dal “Pianeta Terra Festival” di Lucca, joibe ai 3 di Otubar, cu la direzion di Filippo Maria Bressan. (A.I.) – 26.09.2024