Il jazz puartât dentri des aziendis

“Jazzinsieme Factory” al è il gnûf progjet culturâl de associazion “Blues In Villa” di Brugnere, cu la idee di puartâ la musiche ancje tant che strument formatîf dentri des aziendis dal teritori, espandint lis ativitâts culturâls dentri dai implants produtîfs e cjapant lis aziendis no dome tant che sponsor, ma ancje tant che palc e lûcs di formazion. Daspò di ativitâts formativis pai dipendents e il coinvolziment di musiciscj zovins, cumò a saran lis aziendis a vierzisi al public, cuntune schirie di concierts organizâts dentri dai implants produtîfs. La prime tape e sarà inte sede Oesse di Purcie, che vinars ai 27 e ospitarà il conciert dal ghitarist Francesco Piu. Ai 4 di Otubar, apontament te sede di Rimorchi Bertoja, a Pordenon, par un artist ricognossût in dut il mont: Sir Waldo Weathers intune cun Henry Carpaneto Organ Trio. La serade finâl e je in program li dal Kristalia di Prate di Pordenon ai 14 di Otubar cul duet dal ghitarist Gianluca Mosole cul bassist Paolo Carletto. (A.I.) – 26.09.2024