Max Angioni in Friûl par zirâ il so prin cine

A son scomençadis intai dîs passâts lis ripresis dal prin cine cun Max Angioni, atôr comic cognossût dal grant public pe partecipazion aes trasmissions comichis plui impuartantis, di Zelig (Canale5) a LOL2 (Prime Video), e ancje condutôr (“Le Jene”, Italia1). Diret di Volfango De Biasi, e je la storie di un vuarfin che dopo di une schirie di disaventuris e ven condanât al lavôr di utilitât publiche intune cjase di polse. Un scuintri gjenerazionâl che al è ancje la storie comovente di personis di bessolis, che si cjatin par riclamâ un propri puest intal mont. Une comedie che e dopre lis armis de ironie par proponi une riflession inspietade sul valôr de tierce etât. Lis ripresis, che a cjapin dentri ancje Diego Abatantuono, si fasaran inte provincie di Udin cul supuart de Friuli-Venezia Giulia Film Commission-PromoTurismoFVG, e po dopo in Pulie. (A.I.) – 28.09.2024