La Scuele dai mosaiciscj di Spilimberc e scree l’an gnûf

Si vierzarà lunis ai 30 di Setembar dal 2024 intune suaze insolite – daspò dal cine teatri “Miotto” e dal Domo, di là de aule magne de Scuele stesse – l’an formatîf 2024/2025, il numar 103, de Scuele Mosaiciscj dal Friûl. Come simpri l’ultin lunis di Setembar, zornade che e da inviament al calendari scolastic, pe cerimonie di scree e je stade sielte la Glesie dai Sants Josef e Pantaleon, un edifici impuartant, cognossût ancje tant che glesie dai Fraris, cuntun côr di len rinassimentâl, dulà che la Scuele Mosaiciscj dal Friûl e à fat lis stazions de Vie Crucis. Al è un mût par ufrî za de prime dì la oportunitât ai arlêfs (tancj di lôr a vegnin dal forest) di svicinâsi a un teritori che al è la scune de art dal mosaic. La ativitât formative e tacarà po dopo a plen ritmi tal mês di Otubar. (A.I.) – 28.09.2024