La Societât alpine furlane e conte 150 agns di storie

In ocasion dai 150 agns de Societât Alpine Furlane, sezion di Udin dal CAI, miercus ai 2 di Otubar aes 6 dopomisdì a Gurize, tal Palaç Coronini, e vignarà presentade la sô storie traviers i documents dal archivi storic. La conference “La nassite dal alpinisim organizât in Friûl. I 150 agns de Societât Alpine Furlane”, par cure dal president Umberto Sello, e metarà in lûs il rûl di pionîrs tant che Quintino Sella e i fondadôrs de SAF, Torquato Taramelli e i Marinelli, che a àn dât une olme sientifiche ae esplorazion de mont. E vignarà tratade la evoluzion dal alpinisim, de epoche eroiche dal dopovuere fint al presint, cuntune atenzion particolâr ae tutele dal paisaç e aes sfidis leadis ai cambiaments climatics. La conference e contarà ancje un fat pôc cognossût: il rûl di Julius Kugy, che al principi dal secul passât al è stât un soci atîf de SAF e redatôr de riviste “In alto”. (A.I.) – 30.09.2024